Tuisskool vir voolskoolse kinders- Gr R

-
Om te begin met Gr R vir jou kind kan nogals uitdagend wees. Dit is dalk die eerste jaar wat julle tuisonderrig aanpak en jy weet nie regtig waar om te begin nie. Die keuse van wat om te gebruik en die doelwitte wat jy vir jou kind stel kan baie deurmekaar voel.

 Waar om te begin?
Dis maklik om na kleuterskole se programme te kyk en oorweldig te voel maar onthou net een ding: jou kind is nie `n kleuterskool nie. Jy is besig met net een leerder, jou eie kind. So hier is die volgorde van hoe ek begin met `n skooljaar:
  • Ek stel eerste `n lysie mylpale of doelwitte op vir die jaar.
  • Daarna soek ek boeke wat ons as bronne (hulpmiddele) kon gebruik om ons doelwitte te bereik.
  • Volgende deel ek die werk in die aantal weke wat ons gaan skool doen.
  • En elke week deel ek die werkies op in die aantal dae wat ons gaan skool doen.

1. Doelwitte/Mylpale:
Ek en man stel `n lysie saam van doelwitte vir elkeen van ons kinders.
Hierdie doelwitte sluit lewensvaardighede sowel as akademiese vaardighede in.
Hier is `n voorbeeld lys vir my 4 jarige:

  • Stories in die Bybel onthou
  • Stilsit vir Bybel lees en vrae beantwoord 
  • Self bid (geen rympies)
  • Roetines volg
  • Takies in die huis verrig daagliks
  • Gehoorsaamheid oefen 
  • Goeie maniere hê: asb, dankie, ja mamma en groet
  • Swem sonder hulp
  • Fietsry sonder hulp
  • Op sy eie speel vir 45 min
  • Lees 15 minute per dag self
  • Skool fluks doen
  • Tema van die week bespreek
  • Inkleur, plak, knip, skeur
  • Tel tot by 30
  • Tswana begin leer
  • 3 letter woorde lees
  • Sinne en eenvoudige boeke lees
  • Legkaart 24-36 stuk bemeester
  • Rympies en liedjies aanleer
  • Bal vang, gooi, skop, slaan en rol
  • Gimnastiek begin
2. Hulpmiddele
Nadat ek weet waarheen ons op pad is vir die jaar, kan ek begin hulpmiddele soek wat ons kan help om ons doelwitte te bereik. Vir ons sal ek kyk na:
  • Bybellessies
  • Taakkaart op stel
  • Beloningskaart op stel
  • Temalys 
  • Fyn motoriese werkkaarte druk of `n boek koop
  • Wiskunde boek
  • Leesprogram 
  • Tswana cd
  • Legkaarte 
  • Balle, fiets, toue ens. kry
  • Skryfbehoeftes
Kliek hier as jy `n lysie wil hê van die boeke wat ons in Gr R gebruik.

3. Verdeling van werk
Nadat ek al die hulpmiddele het, kan ek dit opverdeel vir die aantal weke. 
Ons gee 6 weke skool en dan rus ons vir 2 weke. Dus het ons 6 siklusse van 6 weke skool plus `n paar ekstra. Ek verdeel dus die werk in 36-38 dele.

Vir voorskool doen ons elke week `n tema. So ek maak `n lys van 36 temas en voeg dan die werk by elke week in. (kliek hier vir `n lys van temas om mee weg te spring)

4. Verdeling per week
Ek neem nou die tema van die week, die werk wat ons moet afhandel ens en verdeel dit in 3. Ons het net skool op Maandae, Woensdae en Vrydae.

 Ek hoop hierdie metode sal vir iemand van hulp wees wat die eerste keer tuisskool van voorskoolse kinders aan pak.

 Laat weet asb wat vir jou werk, dan leer ons almal van mekaar.

 Groete Mamma S



 


Comments

Post a Comment

Popular posts from this blog

Natuurlike raad vir baba met winde

-
Image
Voordat Seun0 gebore is, het ek reeds `n verskeidenheid medisyne vir winde gekry om die baba mee te dokter wanneer die onvermydelike winde hulle verskyning maak. Min het ek geweet wat in dié medisyne is en of dit my baba gaan help. Krampwater is die mees bekende doepa om vir die ou kleine wesie te gee wanneer die winde hulle uit die slaap uit hou, maar nadat ek dit een keer vrugteloos probeer het was ek vinnig opsoek na `n alternatief. Aptekers en ander mammas het voorgestel ek probeer koliekdruppels , maar ek het geweet dat Seun0 nie koliek het nie en wou dus nie vir hom medikasie gee vir iets wat hy nie eers het nie. Met my 6 weke ondersoek het ek net so terloops die dokter gevra wat haar voorstel is om te gebruik aangesien Seun0 nog baie klein was. Sy het Reutrina druppels of probiotiese druppels of poeier voorgestel. Ek het hierna die apteek besoek en agter op die boksies begin lees. Niks het vir my natuurlik geklink behalwe die water daarin nie. Ek was steeds opso
Read more

Medisyne lys vir babas

-
Image
Elke mamma wil voorbereid wees vir die koms van haar baba. Maar elke aftiklysie van wat belangrik is vir baba sê net medisyne vir baba . Nou wat nou gemaak? Hierdie is my lysie van die medisyne wat jy gerus kan aanhou in jou huis. Jy hoef nie `n apteek aan te hou binne jou huis nie, maar `n paar essensiële items kan jou net help deur `n moeilike aand. Ek probeer so natuurlik as moontlik gaan met `n paar uitsonderings. Termometer - Digitaal en infrarooi is baie gerieflik. Baba  paracetamol  soos Panado of Calpol vir koors/pyn (maak net seker dis ouderdom gepas) Spasmopep Junior vir winde ( kliek hier en lees gerus meer hieroor ) Naelknipper of skêrtjie Medisyne drupper Snotsuiger soos Nose Frida of bulb syringe Saline druppels (soutwater) of borsmelk Vicks Baby of bloekomolie Petroleum jellie of klapperolie vir die eerste doeke Boudsalf of Sinksalf of mielieblom ( kliek hier en lees gerus
Read more

Vinnige, maklike, 4 bestanddele dadelballetjies

-
Image
As jy opsoek is na `n alternatief vir lekkergoed vol suiker of jou babatjie begin nou eers eet is hierdie resep ideaal vir jou. Dit bevat slegs 4 bestanddele, is vegan, gesond en boonop alles lekker. BESTANDDELE: 1 1/2 kp Dadels (maak sag deur in kookwater te laat lê) 2 el kakao 1 kp hawermout (oats) 1 kp klapper STAP 1: Maak dadels fyn met `n voedselverwerker, smoothie maker of `n staafmenger. STAP 2: Gooi die droë bestanddele by en meng deeglik. STAP 3: Rol balletjie en plaas op bakplaat of iets met `n plat oppervlakte soos `n deksel en sit in vrieskas. OPSIONEEL: Rol laastens in ekstra klapper of kakao. Ek hoop julle geniet dit net so baie soos my kinders. Groete Mamma S
Read more