Baba Aktiwiteite vir 3-6maande oud

-
Wanneer babas gebore word, is dit heel maklik om hulle rustig en gestimuleerd te hou want hulle slaap baie en hul wakkertye is maar nog van korte duur.

Maar teen die 3 maande merk is babas gewoonlik langer wakker en benodig meer stimulasie. Hier is 'n paar idees wat om met babas van 3-6 maande ouderdom te doen.



#Lees 
Lees hardop. Wys na prentjies en sê wat dit is. Babas is besig met taalontwikkeling vanaf geboorte, dus hoe meer hulle woorde hoor, hoe neer ontwikkeling vind plaas.

#Spieëls
Gebruik 'n spieël en plaas dit waar baba homself kan lê en bekyk. Dit is 'n goeie motivering tydens magietyd. Dit bevorder ook baba se ruimtelike oriëntasie en visuele ontwikkeling.

# Musiek en sang
Sing liedjies of sit die radio met kinderliedjies of stories op. Maak musiek of gee vir hom klokkies om self mee musiek te maak. As hy al kan sit kan 'n drom ook oulik wees. Dit ontwikkel sy ouditiewe vermoë en ook taalontwikkeling.



# Skudgoed
Babas van dié ouderdom raak nou eers bewus van beweging van hulle ledemate. Sit 'n ratel of klokkies in sy hand en kyk hoe hy dit geniet om bewus te word dat sy beweging iets veroorsaak. Jy kan selfs klokkies op sy kousies vas werk en vir hom aantrek. Hierdie ontdekking bevorder liggaamsbewustheid.

#Balle van alle groottes en teksture
Hang die bal op om na te kyk en te probeer vat of skop. 
Sit verskillende balle in 'n houer vir baba om elkeen te ontdek. 'n Bal wat wegrol kan ook 'n motivering wees om te begin magie kruip nader aan 6-7maande. Hierdie aktiwiteit bevorder sensoriese ontwikkeling asook liggaamsbewustheid.

#Kougoed
Babas ontdek deur hulle monde. Plaas 'n hout tande-ring in baba se hand om te aan te kou. Veilige lappe of verskillende materiale is ook lekker kougoed. Hierdie is ontdekking bevorder ook sensoriese ontwikkeling.



# Bewertjie
Babas begin nou armpies te swaai en kan selfs iets wat hang raak slaan, al is dit nou per ongeluk. Hang dus sagte balle van versillende groottes op bo baba se kop om te probeer gryp of slaan. Dit bevorder sy liggaamsbewustheid asook ruimtelike oriëntasie. 

Comments

Post a Comment

Popular posts from this blog

Medisyne lys vir babas

-
Image
Elke mamma wil voorbereid wees vir die koms van haar baba. Maar elke aftiklysie van wat belangrik is vir baba sê net medisyne vir baba . Nou wat nou gemaak? Hierdie is my lysie van die medisyne wat jy gerus kan aanhou in jou huis. Jy hoef nie `n apteek aan te hou binne jou huis nie, maar `n paar essensiële items kan jou net help deur `n moeilike aand. Ek probeer so natuurlik as moontlik gaan met `n paar uitsonderings. Termometer - Digitaal en infrarooi is baie gerieflik. Baba  paracetamol  soos Panado of Calpol vir koors/pyn (maak net seker dis ouderdom gepas) Spasmopep Junior vir winde ( kliek hier en lees gerus meer hieroor ) Naelknipper of skêrtjie Medisyne drupper Snotsuiger soos Nose Frida of bulb syringe Saline druppels (soutwater) of borsmelk Vicks Baby of bloekomolie Petroleum jellie of klapperolie vir die eerste doeke Boudsalf of Sinksalf of mielieblom ( kliek hier en lees gerus
Read more

Natuurlike raad vir baba met winde

-
Image
Voordat Seun0 gebore is, het ek reeds `n verskeidenheid medisyne vir winde gekry om die baba mee te dokter wanneer die onvermydelike winde hulle verskyning maak. Min het ek geweet wat in dié medisyne is en of dit my baba gaan help. Krampwater is die mees bekende doepa om vir die ou kleine wesie te gee wanneer die winde hulle uit die slaap uit hou, maar nadat ek dit een keer vrugteloos probeer het was ek vinnig opsoek na `n alternatief. Aptekers en ander mammas het voorgestel ek probeer koliekdruppels , maar ek het geweet dat Seun0 nie koliek het nie en wou dus nie vir hom medikasie gee vir iets wat hy nie eers het nie. Met my 6 weke ondersoek het ek net so terloops die dokter gevra wat haar voorstel is om te gebruik aangesien Seun0 nog baie klein was. Sy het Reutrina druppels of probiotiese druppels of poeier voorgestel. Ek het hierna die apteek besoek en agter op die boksies begin lees. Niks het vir my natuurlik geklink behalwe die water daarin nie. Ek was steeds opso
Read more

Vinnige, maklike, 4 bestanddele dadelballetjies

-
Image
As jy opsoek is na `n alternatief vir lekkergoed vol suiker of jou babatjie begin nou eers eet is hierdie resep ideaal vir jou. Dit bevat slegs 4 bestanddele, is vegan, gesond en boonop alles lekker. BESTANDDELE: 1 1/2 kp Dadels (maak sag deur in kookwater te laat lê) 2 el kakao 1 kp hawermout (oats) 1 kp klapper STAP 1: Maak dadels fyn met `n voedselverwerker, smoothie maker of `n staafmenger. STAP 2: Gooi die droë bestanddele by en meng deeglik. STAP 3: Rol balletjie en plaas op bakplaat of iets met `n plat oppervlakte soos `n deksel en sit in vrieskas. OPSIONEEL: Rol laastens in ekstra klapper of kakao. Ek hoop julle geniet dit net so baie soos my kinders. Groete Mamma S
Read more