Geen TV?
Ons geloof is die middelpunt van ons lewe. As
wedergebore Christen wil ek my lewe leef soos wat daar vir ons gesê word in die
Bybel. In Psalm 101:3 staan:
“Ek stel geen lae
ding voor my oë nie, die dade van die afvalliges haat ek; dié sal my nie
aankleef nie.”
In die KJV klink dit soos volg:
“I will set no
wicked thing before mine eyes:...”
Met ander woorde ek wil nie slegte dinge
doelbewus voor my oë sit of enige iets kyk wat nie in lyn met die Bybel is nie.
Met dit in gedagte, kom ons dink bietjie na watter
tipe programme op TV is. Geweld, egbreek, diefstal, roof, moord, laster,
afgodsaanbidding en veragting van gesag is alles vandag op die TV te vind. Jy
kan sê dat jy kyk net daarna, jy doen dit mos nie self nie, maar deur na dit te
kyk bereik die TV sy doel. Die TV se
doel is om ons desensitief te maak of af te stomp vir hierdie
verkeerde dinge. Om van die rykes te steel en vir die armes te gee, lyk mos goed
en reg, maar steel is verkeerd volgens God se standaarde ongeag die motief daar
agter.
Voor TV in Suid-Afrika toegelaat was, het
eertydse minster Albert Hertzog `n goeie poging aangewend om dit solank as
moontlik uit ons huise te hou, want hy het gemeen dit sal die volk sy waardes laat verloor.
En hy was reg.
Die TV het die duiwel in ons huise ingebring en
ons waardes by die agterdeur uitgeskuif. Die eerste keer wat `n buite-egtelike
verhouding gewys word op TV skok dit jou dalk. Die tweede keer, laat dit jou
wenkbroue lig, maar die derde keer dink jy, ag dis net TV. Ons waardes word
gemeet aan dit wat op die TV is en nie meer aan dit wat in die Bybel is nie.
Dit bring
ook idees in ons gedagtes wat nie reg is in God se oë nie. Ons sien hoe
getroude pare mekaar verneuk want hulle het “ware liefde” by iemand anders
gevind. Egbreek lyk nou nie meer so erg nie, dis immers “ware liefde”. Ons kinders
kyk na programme waar die klein akteurtjies hulle “dom” ouers ore aansit en dan
probeer die ouers gesag uit oefen in hulle huise en kan nie verstaan waar
boetie alweer sy aapstreke leer nie. Dit kan seker nie die TV wees nie.
Akteurs en
sportsterre word mense,
insluitend ons kinders, se rolmodelle.
Ek wil nie graag hê dat my kind `n ander mens aanhang nie of sy gedrag naboots
nie, maar dit is dikwels vandag die geval met ons jeug.
Party mense argumenteer dat hulle net Christelike
programme kyk. Dit lyk dalk na `n geldige argument maar hoeveel tyd neem die TV in beslag. En hoe gereeld reël ons nie ons lewens volgens die TV
skedule nie. Ons kan ongelukkig nie help by die kerk nie want in my
agterkop dink ek: “Ek wil immers die rugby kyk daardie tyd”.
Maar wat van die nuus? Ek weet nie of mense bewus is nie, maar daar is nog so iets
soos radio’s of koerante. Lees of
luister daagliks net 10 minute en jy is heel waarskynlik net so op hoogte van
wat aangaan.
As kind het ek in `n huis groot geword waar ons
op `n stadium 7 TV’s in ons huis gehad het. My pa het geargumenteer dat niemand
nou hoef te baklei om sy of haar progam te kyk nie. Maar uit my amper 10 jaar
ondervindig sonder `n TV het ek die volgende agtergekom:
·
Ek
reël my eie skedule. Ek het nie `n saak wanneer 7de Laan wys nie.
·
Ek
betaal nie maandeliks `n fooi nie, dus meer geld in my sak.
·
Ek
het meer tyd vir ander dinge.
·
Ons
gesin spandeer tyd met mekaar deur te gesels en te speel.
·
My
kind word glad nie beïnvloed deur die TV nie.
·
Ons
word nie vermaak nie, ons het stokperdjies wat ons eerder geniet.
·
Ons
lees baie meer as die normale mens op straat.
·
My
kind het `n liefde vir lees, al voordat hy 1 was.
·
Ons
luister radio wat ons ouditiewe vaardighede `n hupstoot gee.
·
My
waardes word deur die Bybel bepaal.
·
My
rolmodel is Jesus Christus, nie een of ander “bekende” nie.
Hierdie is my persoonlike mening, maar ek hoop
dit gee ook mense iets om oor na te dink en dat meer mense van die TV weg sal
beweeg en nader aan God sal kom.
Groete MammaS
Comments
Post a Comment