Stroom-op!

Wanneer jy die besluit geneem het dat jy graag jou babatjie wil borsvoed, gaan die advies van begin inrol. Elke mamma het `n storie, goed of sleg, om te vertel oor haar borsvoedingsreis. Daarom skryf ek nie hierdie artikel uit `n raadgewende oogpunt nie, maar eerder `n praktiese een. Hierdie is net `n gids van produkte wat jou sal kan help op jou borsvoedingsreis. 1. Goeie betroubare leesstof. Of gaan kyk by die volgende webtuiste vir raad: La Leche League 2. Borsvoedingskussing of gewone kussing 3. Borsvoeding Cover 4. Borsdoekies 5. Borssalf 6. Borsvoedingsbras 7. Borspomp of Haaka 8. Borsmelk stoorsakkies of houers 9.  Spoegdoeke 10. Peuselgoed en waterbottel Hierdie lysie dien net as `n gids. Jy kan dalk meer of minder goedjies benodig. Ek borsvoed al 4 jaar sonder ophou en gebruik slegs `n handjievol van die items hierbo gelys.  Wat sal jy sê is jou gunstelingitem vir borsvoeding? Groete Mamma S

Toe ek swanger geraak het met my 2de kind het ek steeds my eerste kind, toe 13 maande oud, geborsvoed. Vroeg al in my swangerskap het ek vra begin kry oor wanneer was ek van plan om my eerste te speen. Ek was nie bewus dat die feit dat ek my eerste kind deur my 2de swangerskap borsvoed ander mense so pla nie. Maar die opinies het gou vermeerder. Mense was bekommerd oor my gesondheid, omdat borsvoeding volgens hulle te veel vitamiene en minerale uit my liggaam vat en dit die ongebore baba kan skade doen. Hulle was skynbaar ook bekommerd dat my eerste kind na die baba se geboorte jaloers sal wees omdat die baba nou ook borsvoed of dat indien ek besluit om hom na geboorte van die baba te speen sal hy die baba verkwalik en voel dat ek hom verstoot het.  Ek kon nie glo dat iets wat so natuurlik vir my was, was vir so baie mense onnatuurlik nie...want as `n mens kyk na beeste sal die koei eers een kleintjie speen voor sy nog een het.  Ja, ek weet dit klink dalk vir jou ook reg om

As daar een baba noodsaaklikheid is waarsonder jy nie kan klaarkom nie is dit `n karstoeltjie. Nie net is dit vir jou kind se veiligheid nie, dit is ook in ons landswette vervat soos volg: Reg213.  (1C)   An infant is a person below the age of three years Reg213.  (6A)   The driver of a motor vehicle operated on a public road shall ensure that an infant traveling in such a motor vehicle is seated on an appropriate child restraint: Provided that this provision shall not apply in a case of a minibus, minibus or bus operating for reward. Reg 213 (8B) : A child restraint shall comply with the standard specification SABS 1340 ”Child restraining devices in motor vehicles” and bear certification mark or approval mark. Maw as jy `n kind vervoer wat  3 jaar en jonger  is, moet daardie kind in `n karstoeltjie wees wat volgens die SABS standaarde goedgekeur is. Daar is baie opsies op die mark en dit raak dikwels `n baie ingewikkelde storie om te besluit wat om te koop. En omdat dit ook `n

Wanneer `n mamma swanger is met haar eerste kind is dit baie opwindend. Die 9 maande voel soms soos `n ewigheid en veral die laaste paar weke van swangerskap is uitmergelend lank. Maar as daardie babatjie eers daar is verander jou hele lewe.  Met die 2de kind se swangerskap verander dinge net so baie. Nie net vir jou nie maar ook vir jou eersteling en dikwels kom vrae by jou op soos: Gaan ek 2 kinders kan hanteer? Hoe gaan die ouer kind die nuwe baba hanteer? Gaan ek genoeg liefde hê vir albei? Hoe gaan dinge moet verander in die huis? Al hierdie vrae is goed om te oordink en daar is verskillende maniere waarop jy die ouer kind reeds kan voorberei op die koms van die nuwe baba sodat die verandering nie so dramaties is nie. Kom ons kyk na `n paar wenke om die aanpassing te vergemaklik. 1. Moenie te vroeg in jou swangerskap al die ouer kind/ers laat weet daar is `n baba op pad nie. Ek dink hierdie reël is meer van toepassing op kinders 6 en onder maar gebruik jou eie diskresie. As

`n Geboorteplan klink soos `n goeie idee maar baie mammas sal vinnig vir jou sê `n geboorte verloop selde volgens `n plan. Dit is ook hoekom ek dit graag Doelwitte vir geboorte noem. Ek voel elke mamma het in haar hart tog `n idee van wat sy graag met geboorte wil bereik of dit nou is om natuurlik met of sonder pynmedikasie te kraam of om musiek te hê tydens kraam of absolute stilte of wat ookal vir haar belangrik is. Ek self was nie so oortuig van die noodsaaklikheid van `n geboorteplan nie, maar my man het my oorreed om wel een op te stel. Met my eerste kind se geboorte was die verpleegpersoneel eintlik so bietjie gekant teen die idee maar hulle het gou besef dat dit nie `n lys van bevele is nie, maar eerder net voorkeure deur my as mamma.  Ek het weer  `n geboorteplan  (sommer dieselfde een)  vir my 2de kind se geboorte gehad en dit was die beste besluit OOIT. Met my 2de kind se geboorte kon die dokter nie betyds  bereik word nie en ek het vir die verpleegster net my geboortepla

Ek het reeds `n post gedoen oor die items wat ek dink die absolute nodigste items vir `n babatjie is. Kliek hier en lees gerus meer hieroor . Dis baie minimalisties maar as jy net dit het, is jy reg vir baba. Daar is egter nog `n paar goedjies wat ek dink die lewe gemakliker kan maak. As jy dalk `n ekstra geldjie het of ouma wil graag `n spesiale geskenkie gee kyk gerus na die lysie hieronder. Babamonitor      Hier kan ons nou `n magdom opsies gee, maar `n basiese klankmonitor is meestal genoeg. Daar is wel monitors beskikbaar met video funksies, klankmonitering en daar is selfs nou produkte beskikbaar wat die hartklop en/of asemhaling van babatjie monitor. Jy moet self besluit wat vir jou die meeste gemoedrus gaan gee en jou sak gaan pas. Witgeraasmasjien Albei die bogenoemde witgeraasmasjiene is beskikbaar vanaf takealot. Hierdie oulike masjientjies kom in baie vorme, partye met nagligte en nog `n paar funksies. Ek verkies een wat `n eentoning geluid

Alle mammas was seker al in `n situasie waar baba net vasgehou wil word en jy het `n honderd-en-een dinge om te doen. Hoe nou gemaak? Meeste mammas weet al van `n drasak maar ek dink dat baie min mammas eintlik weet dat daar verskillende drasakke/buidelsakke beskikbaar is. Soos ek in die dorp rondloop sien ek ook baie minder mammas wat hulle kinders dra teenoor die wat stootwaentjies gebruik.  Daar is so baie voordele aan die dra van `n babatjie. Kom ons kyk gou na `n paar. Baba is rustiger want hy kan aan mamma vat en voel. Ander mense kan nie sommer ongenooid aan jou baba vat nie. In vandag se tyd waar kinders so maklik ontvoer word, is dit definitief veiliger om jou baba styf teen jou lyf te hê. Jy kan borsvoed sonder dat enige iemand iets weet.  Altwee jou hande is vry om inkopies te doen of om jou ander kinders te kan help. Jy hoef nie `n stootwaentjie tussen nou winkelrakke te stoot nie . Hierdie is maar net `n paar redes hoekom ek verkies om my kinders tot en m